Нешто повеќе од 1.200 килограми, или еден тон и 200 килограми ефедрин, прекурсор за производство на метамфетамин во петокот (05.11) биле фатени на патниот правец од скопскиот аеродром кон Куманово од страна на екипа на специјалната единица „Тигар“.
Ефедринот во Македонија влегол со карго-авион, а според царинската декларација бил прикриен како електроника – делови за мобилни телефони на име на една позната скопска мобилара.
Царинските службеници, кои се осомнинчени дека биле дел од овој шверц ја пропуштиле пратката без да ја проверат, туку само ги потпишале документите. Неофицијално, задолжениот цариник бил и близок до висок функционер во актуелната влада на Р.Македонија.
Пратката била пресретната од мобилна екипа на царината, а потоа и претресена од страна на припадници на „Тигар“, неофицијално, во соработка со американската ДЕА.
Во истрагата се вклучени Финансова полиција, Обвинителството и Царинската управа.
Фото: Илустрација
