Две воспитувачки од градинката „Снежана“ во Чаир останаа без работа, објави телевизија Алфа. Родителите и дечињата од групите Пчелки и Букетче денеска се собраа пред општината Чаир.
Со вознемирување и солзи во очите пред камерите зборуваа за проблемот со кој се соочуваат, тие гласно говореа дека не сакаат воспитувачките Стојне и Ратка да бидат избркани и заменети со нови, бидејќи како што велат воспитувачките биле одлични педагози, полни со креативност и љубов.
Родителите на децата кои ја посетуваат оваа гадинка бараат аботниот однос на двете воспитувачки да биде продолжен на неопределено време. Воспитувачката Ратка работела 2 години и 6 месеци во градинката, а наместо да добие решение, добила раскинување на договорот и покрај тоа што во месец март двете воспитувачки биле волонтери.
Загрижените родители се обратиле до директорката на градинката и доставиле петиција, се обратиле и до градоначалникот на општина Чаир, а и до министерстовото за труд и социјала каде наишле на одговор дека согласностите за вработените од определено да добијат решенија за неопределно време се испратени до општина Чаир.
Ова не е прв случај на отпуштања од работа на воспитувачки и покрај тоа што им било ветувано дека нивниот работен статус ќе биде регулиран. Минатата година министерката Царовска го промовираше проектот за воведување втора смена во градинките, па атоа и се наметнува прашањето зошто воспитувачките се бркаат од работа, кога има недостиг од вработени?
