НОВИ 250 ВРАБОТУВАЊА ВО ПРОБИШТИП: Димитриев од Пробиштип најави проширување на „Кранфилд Фаундри“ и нови вработувања!

- Advertisement -

Во јуни започнува со работа новата фабрика во индустриската зона Неокази Кранфилд Фаундри. Тие веќе започнаа со првите вработувања, се планира да вработат 280 луѓе, истакна генералниот секретар на ВМРО-ДПМНЕ Емил Димитриев на вечерашниот митинг во Пробиштип.

-Досега на објавените огласи има над 400 апликации што покажува кој е интересот на нашите граѓаните. Пред две недели имавме состанок со сопственикот на фабриката и имаме уште една убава вест. Ќе купат уште една парцела и за една година од почнувањето со првата линија ќе отворат и втора линија, нови 250 вработувања за општина Пробиштип, посочи Димитриев.

Вкупната инвестиција ќе достигне околу 30 милиони евра.