Терористичка организација Албанска национална армија (АНА), сподели видео, во кое припадниците на организацијата вооружени до заби се закануваат и бараат да не се тргува со територии.
– Бараме политичарите да престанат со продажба или трговија на територија за нивните лични интереси – велат вооружените маскирани милитанти на видеото, цо кое говорат на албански јазик.
Албанско-холандскиот новинар Винсент Триест го објави ова видео и ги пренесе нивните закани.
– Ние мора веднаш да ги прекинеме разговорите за размена на териториите во Северна Митровица и Прешевската долина – рекоа екстремистите.
Триест изјави дека АНА е екстремистичка организација, опремена со лесно оружје, “калашникови” и снајперисти.
Тој додава дека ова е прва комунике на АНА за можната размена на територии, како можно решение за косовското прашање, но дека човекот на снимката говори на течен јужноалбански акцент, што досега не беше случај, а екстремистите од АНА вообичаено говореле со косовски акцент.