Вистински хаос се случи вчера на социјалните мрежи откако холандскиот амбасадор во Македонија даде поддршка за забрана за постоење на најголемата опозициска партија во Македонија, ВМРО-ДПМНЕ. Имено на амбасадорот Валтер Пломп му се допадна ваквата идеја и даде согласност од својот личен Твитер профил. Пломп го лајкна твитот на еден од Твитер ботовите од Бихаќа во кој се вели ,, историски гледано годините кога ВМРО беше забранета на овие простори државата функционираше”.
Нејасно е зошто на холандскиот амбасадор му пречи опозицијата, дали можеби поради тоа што ВМРО-ДПМНЕ не се согласува со капитулантскиот договор со Грција и референдумот за самоукинување? Сепак едно е јасно дека СДСМ има целосна поддршка од холандскиот амбасадор за воведување на режим и едноумие во Македонија и прогон на членовите на ВМРО-ДПМНЕ. Освен тоа амбасадорот Пломп флагрантно ја прекеши Виенска конвенција која предвидува неутралност во работата на дипломатските претставници. Сега за сега нема никаква реакција ниту од надлежните во македонското министерство за надворешни работи ниту од шефовите на Пломп во Холандија, со што се отвара сомнеж дали ставот на Пломп за укинување на политичка партија е став и на холандаската влада. Но после ваквиот досега невиден дипломатски скандал во Македонија целата македонска јавност очекува повлекување на амбасадорот од Македонија.
Покрај амбасадорот Плом согласност за укинување на ВМРО-ДПМНЕ пристигна и од еден од режимските медиуми, порталот ,,Сакам да кажам”. Интересно е што само неколку недели пред порталот да даде без резервна поддршка за едноумие во Македонија на листата на среќни добитници на еден од скандалозните грантови од Фондот за иновации се најде и Искра Јовановска Михајловска сопруга на сопственикот на порталот ,,Сакам да кажам’’, новинарот Горан Михајловски.
