30-годишна жена буквално останала без главата во едно Авганистанско село бидејќи го посетила локалниот пазар сама, без нејзиниот сопруг, пренесуваат локалните медиуми цитирајќи ги извештаите на надлежните. Луѓето кои го извршиле обезглавувањето биле дел од Талибанските банди
Инцидентот се случил во селото Лати, во провинцијата Сар-е Пол, во северен Авганистан во понеделникот. Според надлежните, жената била обезглавена со бајонет прикачен на пушка АК-47, поради тоа што излегла на пазар без нејзиниот сопруг. Нејзиниот сопруг во моментот се наоѓал во Иран, а двојката немала деца.
Активистката за правата на жените Амани Азар вели дека луѓето кои ја обезглавиле жената се Талибанци кои го држат селото под контрола. Талибанците пак ги отфрлуваат обвинувањата. Досега никој не е уапсен за инцидентот.
