Кога 34 годишната мајка излегувала од супермаркет во населбата Аеродром, возрасна жена се обидела да и го земе две годишниот син – соопшти МВР.
„На ден 29.09.2016 година околу 18:50 часот во Единица за информации и команда од страна на А.П.(34), било пријавено дека кога излегувала од супермаркет лоциран во Аеродром, непознато женско лице на возраст од околу 60 години, се обидела да и го земе нејзиниот две годишен син.
Од страна на полициски службеници, веднаш е излезено на местото на настанот, извршен е разговор со пријавителката и преземени се сите потребни мерки и активности за расчистување на настанот. Првичните индиции не укажуваат на кривично правен настан.
Потенцираме дека детето е со својата мајка, а полицијата во најкраток можен рок ќе го расчисти случајот и ќе ја информира јавноста“ стои во соопштението од полицијата.
