Веселбата поради среќниот резултат од спасувањето на 12-те деца и нивниот тренер од поплавената пештера на Тајланд ќе биде помешана со доза на тага, но и благодарност и почит кон херојот кој го дал својот живот за оваа мисија.
Саман Кунан, поранешен припадник на тајландските морнарички специјалци, елитниот одред “Seal” каков што има американската морнарица, не бил повеќе на служба, но загинал на задача. Кога децата и нивниот фудбалски тренер биле пронајдени живи во поплавената пештера на Тајланд, тој им се приклучил на своите поранешни колеги во мисијата за спасување како волонтер.
Поставувал канистри со кислород по рутата за извлекување, а самиот останал без кислород
38-годишниот Саман го изгубил животот на враќањето од точката на која децата и тренерот се сокриле од водата кон базната станица која спасувачите ја поставиле во близина на пештерата.
