Општина Центар преку соопштение се извини за денешниот инцидент кај ТЦ „Буњаковец“, кога двајца комунални редари ја избркале жената која продава бадеми, лешници и малини. Редарите ја превртеле гајбата со производи, а откако жената ги собрала истите ѝ ги искинале кесите со бадеми.
-Општина Центар се извинува за грубото и нехумано однесување на двајцата комунални редари вработени во Секторот за инспекциски работи во општината. Нивното однесување денеска со право ја вознемири и револтираше јавноста. Општина Центар ќе ги преземе сите неопходни мерки за утврдување на вината и санкционирање на двајцата вработени. Нагласуваме дека вакво однесување кон граѓаните нема да дозволиме бидејќи и избраните лица и општинската администрација работат и ќе работат во интерес на сите жители на Центар, велат од општината.
ОВА СЕ ЛУЃЕТО КОИ ЈА МАЛТЕРТИРАА ЖЕНАТА КАЈ БУЊАКОВЕЦ: Комунални редари во општина Центар – општината испрати извинување!
Поврзано
- Advertisement -