Иако рокот за доставување истекува на 11 ноември, партиските штабови засилено прават изборни пресметки. Коалицијата предводена од СДСМ официјално ќе ги објави имињата на носителите и кандидатите во шесте изборни единици на Конгресот кој ќе се одржи во недела.
4 пратенички места ќе им отстапат на активисти од Шарената револуција. Телма повикувајќи се на високи партиски функционери објавува дека според досегашните комбинаторики се носител во првата изборна едница најверојатно да биде Стево Пендаровски, во втората Никола Димитров, но под услов да добие подршка од општинските организации, третата ќе ја предводи Оливер Спасовски, четвртата Хари Локвенец, петата Радмила Шекеринска, шестата Зоран Заев. Но не е исклучена можноста од промени во последен момент бидејќи разговорите се се уште во тек и ништо не е официјализирано. Понудата за кандидатски листи не им е доставена ниту на коалициските партнери на СДСМ. Лидерот на партијата Зоран Заев вели дека внатрепартиските анализи се уште траат.
