Легендарниот тренер на Јута, Џери Слоун почина денеска на 78 годишна возраст како резултат на компликации од Паркинсонова болест и деменција.
НБА тагува, најсилното кошаркарско првенство во светот денеска се збогува со Џери Слоун. Легендарниот тренер на Јута џез почина на 78 годишна возраст како резултат на компликации од Паркинсонова болест и деменција.
Џери Слоун во историјата на НБА ќе биде запишан како тренерот со четвртиот најдобар скор (1223 победи), дури 20 пати играше плеј-оф, 19 со Јута џез (15 последователни настапи) и еднаш со Чикаго булс.
Ќе остане запаметен по генерацијата во која ги предводеше Карл Мелоун и Џон Стоктон во две едно по друго финалиња (1997 и 1998) и епски пресметки со Мајкл Џордан, Фил Џексон и Чикаго булс
И покрај тоа што нема освоено шампионски прстен, тој важеше за еден од најдобрите и најценетите тренери на сите времиња, и во 2009 доби место во „Куќата на славните“.
По 23 години на кормилото на „џезерите“, тој се пензионираше во 2011 но продолжи да дава совети кога и да можеше.
