И покрај препораките објавени во Хрватска, денес со т.н. „Колона на сеќавањето“, илјадници лица оддадоа почит кон жртвите на Вуковар на денот на падот на Вуковар. Годинава актуелно во јавноста е особено прашањето на пронаоѓањето на исчезнатите лица од Вуковар.
Шетајќи во колоната, премиерот Андреј Пленковиќ на новинарите даде изјава: “Министерот Медвед веќе направи многу во врска со прашањето за исчезнати лица во неговиот прв мандат. Се обидуваме да откриеме што е можно повеќе информации со помош на меѓународните организации затоа што треба да ја утврдиме судбината на исчезнатите. ”
“Мислам дека го комунициравме она што го направивме за четири години, тоа не е само симболичен гест. Вуковар е место на посебна почит”.
Претседателот на Републиката, Зоран Милановиќ, им оддаде почит на жртвите на Вуковар положувајќи венец и запалувајќи свеќа на Спомен-обележјето на масовните гробишта во Овчара.
Пооделени во групи неколку стотици граѓани од болницата се упатиле кон Меморијалните гробишта во Вуковар, а се гледа дека има повеќе луѓе во колоната отколку што се чинеше на почетокот на Маршот.
Градот проценува дека 10-15 илјади луѓе ќе им оддадат почит на жртвите. Армијата групира луѓе на почетокот и долж колоната. Пар од нив стојат со знамиња помеѓу секоја група, за да се почитуваат епидемиолошките мерки.
