Утрово на патот Скопје-Велес дошло до одренување на карпи кои завршиле на самиот автопат при што е отежнат сообраќајот и се одвива по една лента.
На патниот правец Скопје – Велес пред наплатна станица Сопот поради одрон сообраќајот се одвива по една сообраќајна лента во должина од 200 метри, информира Автомотосојузот на Македонија во утринскиот извештај за состојбата на патиштата.
Поставена е соодветна сообраќајна сигнализација и се работи на расчистување на одронот и нормализација на сообраќајот.
Сообраќајот на државните патишта се одвива по суви коловози.