Движењето #Бојкотирам кое автохтоно се појави на социјалната мрежа Твитер им се обрати на оние кои се обидуваат да собираат политички поени на грбот на движењето.
Реакцијата на #Бојкотира е по повод потпишувањето на вчерашниот Меморандум за соработка со цел успешен бојкот на референдумот од страна на 30-тина организации меѓу кои и некои политички партии. На официјалниот Твитер на движењето велат дека не можат да спречат никој да се самоидентификува со движењето, се додека целта е иста. Но напоменаа тие кои ќе се приклучат на движењето, а не се придржуваат на етичкиот кодекс ќе бидат виртуелно избришани, како да не постоеле.
-Јавачи на бранови. Толку имаме да ви кажеме. Никому не може да спречиме да се самоидентификува со #Бојкотирам се додека целта е иста. Секој граѓанин има право слободно да води пропаганда и јавно да си го каже ставот. Од крајно лево до крајно десно, креативноста и перформансот е предизвик за секој. Оние кои нема да се придржуваат на етичкиот кодекс ќе бидат виртуелно избришани од мрежата како да не постоеле. Името е идентитетот, се вели во соопштението на #Бојкотирам.
