Ако според Министерот Маричиќ, посетата на еврокомесарот и поранешен специјален пратеник за човекови права Јан Фигел, е ,,многу врева за ништо’’ тогаш нека дадат објаснување зошто тој човек за кој ,,провериле дека нема функција’’ било толку проблем да биде пуштен да го посети г-динот Камчев?
Ако е ,,многу врева за ништо’’ , нека му дадат објаснување и на еврокомесарот за проширување Верхаји зошто воопшто морал да реагира откако неговиот колега и личен пријател го побара бидејќи беше оставен пред вратите на КПУ Скопје без објаснување.
Ако е ,, многу врева за ништо’’ , зошто по целиот скандал, од највисокото ниво на нашата влада го побарале ,,невлијателниот и небитен’’ Јан Фигел да му се извинат за тоа што остана да чека пред затворот Шутка и мораше лично да ургира за да биде пуштен.
Дали е ,,многу врева за ништо’’ и тоа што баш во истиот ден, сосема случајно во официјална посета на Скопје беше и Оливер Верхаји?
Има една драма ,,Комедија на грешките’’ – исто од Шекспир.
