Координативно тело ќе одлучува кој ќе се лекува. Ќе примаат пациенти со полесна и средна клиничка слика, оние тешките случаи ќе бидат препраќани во ГОБ 8ми септември и Инфективна клиника, изјавуваат од Аџибадем Систина. Во новиот ковид центар има простор за лекување на 100 пациенти.
Тим на лекари од скопските клиники ќе одлучуваат кој ќе биде лекуван во новиот ковид центар во Мала Богородица а со болницата ќе управува Министерството за здравство. Аџибадем Систина во чија сопственост е објектот, заедно со Клиника Жан Митрев треба целосно да го опремат и да обезбедат 5 доктори, 30 медицински сестри и друг помошен и технички персонал. Согласно договорот со Министерствоо за здравство, нивна обврска е и заштитната опрема за медицинскиот персонал, лабораторија, кислородна поддршка, опрема, реконструкција и оброци за болните. Ако деновиве завршат административните процедури за дозволите од почетокот на наредната недела можат да почнат со работа. Фондот ќе им плаќа 6000 дневно за пациент.
