Околу 30-тина полциски возила, меѓу кои и два водени топа, оклопно возило и огромен број на специјална полиција денес му го чуваше стравот на Зоран Заев од насобраниот народ кој одлучно кажа „Не!“ на политиките на неговата влада
Веднаш до задниот влез на Владата на Р.Македонија, непосредно пред влезот до гаражите на владата, попладнево со неколку десетици оклопни возила, џипови и водени топови полицијата му го чуваше стравот на Зоран Заев и неговите министри кои прераспределуваа ресори додека траеше протестот.
„Хунтата сака да го тепа народот“ – коментира еден од присутните, додавајќи дека толку полиција никогаш не видел на протести или митинзи.
Други пак коментираа дека Заев е спремен на се, па не е чудно и ако ја злоупотреби полицијата да се пресмета со народот кој не мисли како него.
Вечерва, на улицата пред Владата на Р.Македонија преку 60.000 грѓани го следеа говорот на лидерот на опозицијата Христијан Мицкоски, кој вети дека „2. јуни е почеток на крајот“ на оваа власт.