Министерството за надворешни работи објави оглас за барање на прибирање на понуди за набавка на надворешни и внатрешни саксиски растенија и цвеќиња, цветни аранжмани и одржување на истите, за годишни потреби на Министерството за надворешни работи.
Според објавата на Електронскиот систем за јавни набавки се работи за договор со проценета вредност од 305.700 денари или околу 5.000 евра.
Критериум за добивање на договорот е најниска цена.
Со повикот за прибирање на понуди, министерството всушност не распишува тендер, бидејќи за набавки до 5.000 евра законот не предвидува тендерска постапка. На овој начин, Димитров има можност во четири очи да ги склучува договорите без реална конкуренција и постапка.
По набавката на морски плодови од страна на Владата на Р.Македонија, по се изгледа дека Димитров одлучил дека октоподите се повкусни со икебана на масата.
Ваквата раскалашеност на СДС е добропозната на јавноста од периодите кога тие беа на власт. Непродуктивни набавки, луксузирање и кражба на државниот имот е одлика која СДС, како салонска, елитистичка партија ја носи од самото формирање.
