Вицепремиерот задолжен за европски прашања, Бујар Османи, оствари средба со членовите на Државната изборна комисија (ДИК).
На средбата присуствуваше и делегација од Секретаријатот за европски прашања, а таа се одржа во рамките на институционалните посети поврзани со имплементацијата на реформите од планот 18.
-Државната изборна комисија претставува вистински репрезент на спроведувањето на реформските обврски од секој аспект имајќи ги предвид измените на законот, но и новиот состав на Комисијата, беа преземени обврски со реформските планови, кои беа навремено исполнети и најважно, во исклучително инклузивен процес, со политички консензус меѓу власта и опозицијата-истакна Османи.
Во овој контекст тој потенцира дека улогата на ДИК во исполнувањето на обврските на земјата е од особено значење со оглед на претстојните претседателски избори бидејќи само фер, слободни и веродостојни избори ќе ја потврдат институционалната зрелост на земјата.
