Најверојатно до вечер, претседателот на Собранието Талат Џафери ќе одлучи дали да се прифати оставката на поранешниот премиер и сегашен пратеник Никола Груевски или Собранието да одлучува за одземање на неговиот пратенички мандат поради отстуство подолго од шест месеци од парлементот.
Џефери имал консултации со координаторите на пратеничките групи, но не донеле конечна одлука. Од кабинетот на Џафери рекоа дека тој во текот на денот ќе се сретнел и со координаторот на пратеничката група на ВМРО ДПМНЕ Никола Мицески, по што ќе го соопштел својот став.
Според Уставот „пратеникот лично ја доставува својата оставка“, но Собранието досега во неколку наврати констатирало оставки на пратеницииако тие е биле лично доставени.
Груевски минатата недела ја достави својата писмена оставка од Будимнпешта напишана на унгарски јазик и нотарски заверена.
Ако се одлучи на гласање, Собранието ќе треба да обезбеди 80 фгласови за одземање на мандатот на Груевски.