На почетокот на овој месец, Европската унија издаде предупредување до осум нации кои ги надминале горните граници на буџетски дефицити. Помеѓу земјите со најголем ризик за нарушување на правилото за буџетите на ЕУ се Италија, Шпанија, Португалија и Словенија. Дополнително се и Финска, Кипар, Литванија и Белгија
Овие земји не успеаа да се придржуваат до правилото на ЕУ во врска со националните буџети, и се во опасност од рестрикции и казни во 2017 година, како и рестрикции до Европските фондови. Според Брисел, секоја од овие земји го има нарушено „Пактот за Стабилност и Раст“ кој е дизајниран да обезбеди дека сите земји членки ќе останат во договорените буџетски граници – особено во задолжувањето.
Пактот пропишува дека секоја од земјите членки на ЕУ не треба да има буџетски дефицит кој надминува три проценти од БДП. Владите на погореспоменатите земји сега ќе треба да ги ребалансираат буџетите за 2017 година со цел да се задржат ниски дефицити, односно под 3%. Дотолку повеќе, јавниот долг се смета за висок според Пактот доколку надминува 60% од БДП.
Ако не ги исполнат овие стандардни, земјите ќе треба да плаќаат 0.2% од БДП како казна до ЕУ, покрај санкциите и рестрикциите.