Не само името, туку Зоран Заев ќе ги менува и називите на институциите, автопати, аеродроми но и одредени топоними кои не се по меракот на Грчката држава, а се со цел менување и на државното име и идентитет на Р.Македонија
Менувањето на името и автопатот кои се именувани по најголемиот македонски војсководец Александар Македонски, ќе бидат првите жртви на антидржавната политика во процесот на менување на уставното име.
Како што најави од Давос, по средбата со грчкиот премиер Алексис Ципрас, Зоран Заев има намера да го менува името на аеродромот, а за автопатот веќе нашол и решение. Новото име на најголемиот автопат во земјата ќе се нарекува „Пријателство“.
Со цел конкретно да покажеме дека сме посветени во процесот на изнаоѓање решение, најавувам дека нашата Влада ќе го промени името на аеродромот и автопатот. Автопатот ќе се вика „Пријателство“. pic.twitter.com/3x3gGTGTNR
— Зоран Заев (@Zoran_Zaev) January 24, 2018
Заев уште во интервјуто за грчката национална телевизија најави дека ќе ги менува имињата и топонимите кои се спорни за Грција, без притоа да ги праша граѓаните дали се согласни со неговите намери.
Во истото интервју Заев нагласи дека тој и неговата влада немаат црвени линии кога станува збор за името, а додаде и дека најверојатно Господ ги споил него и Ципрас со кого се родени во истата година.
Во текот на интервјуто, не смееше да го спомне името на државата.
