Пратениците од Долниот дом на полскиот Парламент (Сејм) го поддржаа спорниот предлог закон, со кој се овозможи да бидат отпуштени од работа судии кои ги критикуваат одлуките на власта.
Предлог-законот е усвоен во Сејмот и сега претстои да биде потпишан од претседателот Анджеј Дуда, кој изрази поддршка за законот.
Законот беше предложен од владејачката конзервативна партија Право и правда, која бара поголема контрола врз судството, а наиде на осуди и од Европската унија, Обединетите нации и други меѓународни тела, како и домашни правни експерти и опозицијата. Критичарите оценуваат дека со тој закон се кршат принципите на Европската унија и демократската поделба на власта.
Минатата недела, горниот дом на Парламентот, Сенатот, го отфрли законот.