Бившиот советски полигон Јаворов на западот на Украина во 2015. година е преработен и прилагоден како американските специјалци би можеле да ги обучуваат украинските војници и офицери, а сега е едно од најтајните места во земјата, пишува швајцарскиот весник „Темпс“
Весникот наведува дека на полигонот доаѓаат и војници од други земји, вклучувајќи и канадски, британски и литвански.
Основна цел на обуката, како што тврди „Темп“, е општо подобрување на квалификациите на припадниците на украинската војска, со што ќе се овозможи побрзо да се прилагодат на стандардите на НАТО и да научат подобро да се борат.
За три години бившата советска база е претворена во постојана база на речиси 200 американски и 250 канадски војници, за кои се изградени бараки, трпезарии и спортски сали.
Од 2015. година обука на полигонот поминале повеќе од 6.000 украински војници, пишува весникот.
Претходно заменик началникот на оперативната команда на Доњецката Народна Република Едуард Басурин соопшти дека во Донбас пристигнала група на офицери од Пентагон за да ја провери спремноста на украинските војници за офанзива. Според неговите зборови, американските офицери биле следени од претставници на Генералштабот на Украина.
