Полицијата уапси 17 луѓе во Холандија по рацијата на куќа што се користела како фабрика за кокаин.
Околу 100 килограми кокаин и илјадници литри хемикалии беа конфискувани во поранешната школа за јавање која ја претвориле во фабрика за производство на кокаин.
Во лабараторијата, што се наоѓа на 120 километри североисточно од Амстердам, инспекторите пронашле простории за спиење и место за рекреативни активности. Главниот инспектор Андре Ван Ријн изјави дека лабараторијата произведувала кокаин со улична вредност од 4.5 до 6 милиони евра секој ден.
„Ова е најголемата лабараторија за кокаин што до сега сме ја откриле во Холандија.Со оглед на бројот на луѓе што работеле таму, инсталацијата, големината и опремата, проценнуваме дека капацитетот на производство бил од 150 до 200 килограми кокаин на ден.“ – Додаде тој.
Во полициските снимки се гледа и опремата користена за производство – Пластични буриња, казани со хемикалии, пет миксери за цемент, кои се користеле да се извади кокаин од облека што била инфузирана со дрогата, пред да биде извезена во Холандија.
