Од Иницијативата О2, на Фејсбук повикаа веднаш да се запре распродажбата на заедничкото државно земјоделско земјиште во Македонија. Велат дека со новиот нацрт-закон, СДСМ се обидува да го раскрчми она кое не смее да се продава.
Од Иницијативата додаваат дека со новиот нацрт-закон за продажба на земјоделското земјиште во државна сопственост, продажба која започна во време на ВМРО-ДПМНЕ со стариот закон од јуни 2013 сега на сила, а со која СДСМ сега сака да се раскрчми она што не смее под ниту еден услов да се продава.
Наведуваат дека од 557,662 хектари обработливо земјиште, 41% е во сопственост на државата, а истото ќе може да се продава за цена од 0.2 евра до 1 евро или 12/18 денари до 60 денари.
Ова земјиште, како што велат ќе може да се продава и на СТРАНСКИ компании / поединци по 1 евро за 1 м2, под услови на „стратешки инвестиционен проект“ и тоа во ЧЕТИРИ ОЧИ, во т.н. непосредна спогодба помеѓу нив и министерот за земјоделство шумарство и водостопанство.
Во ЧЕТИРИ ОЧИ предвидена е и продажба на државно земјоделско земјиште со кое поединец/фирма во постапка на консолидација, окрупнување, се стекнал со право на ко-сопственост.
Објавата на Фејсбук може да ја погледнете ТУКА.
