До нашата редакција пристигнаа информации дека во Подрачната единица на Македонски Шуми во Ранковце, се наоѓаат камиони на кои стои ознаката на кумановската фирма „Југодрво“ која според добиените информации е блиска до актуелната Власта и градоначалникот на Ранковце. Имено според нашите извори, сопственикот на фирмата чии камиони се одземени, заедно со градончалникот Ивица Тошевски се инволвирани во дрвокрадство и ги пустошат околните шуми
Дознаваме дека камионите се одземени минатата недела на територија на општина Ранковце иако градоначалникот се заканувал и вршел притисоци, а се јавувале и многи високи функционери од МВР, но сепак по неколку часовна расправија службените лица не подлегнале на притисокот, и ги одзеле камионите.
Сепак и покрај фактот што камионите се запленети се уште нема пријава. Постојат и сомнежи дали додека стојат запленети на плацот на Македонски шуми, истите ќе бидат растоварени и ќе се направи лажно вештачење на количината на дрва, за камионите да се вратат на сопственикот, а службените лица што ги одзеле бидат казнети и избракни од работа.
Изворот од кој ги добивме информациите тврди и дека началникот на Крим полиција во Крива Паланка е близок до градоначалникот на општина Ранковце. Сопртугата пак на началникот била поставена неодамна за директор на комуналното претпријатие во Ранковце. А оттогаш, началникот ги штити бизнис интересите на Тошевски кој наводно се занимава со дрвокрадство. Фирмата Југодрвоод Куманово во целата игра е еден од клучните игчрачи, а според нашите информации зад неа стоја многу високи функционери на СДСМ од Куманов и таа е редовен добитник на општински тендери, кои ги користи за прикажување на лажни документи и пустошење на шумата, со државна заштита.