Партиите имаат 24-часа за тужби до Управниот суд

Поврзано

- Advertisement -
- Advertisement -

По завршувањето на синоќешното продолжение на седницата се очекуваше Државната изборна комисија (ДИК) до коалициите и политичките партии да ги достави решенијата со одлуките за приговорите на Беса и на СДСМ, со што и официјално стартува 24-часовниот рок за доставување тужби до Управниот суд.

upraven-sud1-640x427

ДИК прифати само еден приговор од движењето Беса и поништи гласање на едно избирачко место во Гостивар. Отфрлени се шест приговори поднесени од Коалицијата предводена од СДСМ и седум од Движењето Беса.СДСМ повлече два поднесени приговори.

Решението за поништеното гласање во гласачкото место во Гостивар, според заклучокот на ДИК, треба да биде доставено и до партиите и коалициите учесници на изборите во Изборната единица 6, кои исто така ќе можат да ја обжалат одлуката до Управниот суд.

Судот, пак, има рок од 48 часа по примањето на тужбите да одлучува по нив. Одлуката треба во рок од 24 часа треба да ја објави на веб-страната.

По тужбите Управниот суд одлучува во совет од петмина судии избрани по пат на ждрепка, на јавна седница за која ја информира јавноста и овластените претставници по чии тужби се одлучува. Објавените одлуки на веб-страната на ДИК, како што е наведено во Роковникот на Комисијата, ќе го содржат и начинот на гласање на секој судија поединечно.

Седницата на ДИК траеше три дена и заврши синоќа и ги проби роковите предвидени во Роковникот за изборите. Според тоа, се пролонгира и рокот за конечните резултати. Тоа ќе се случи откако ќе бидат познати одлуките на Управниот суд, и доколку нема прегласување на некое избирачко место. Доколку има прегласување, тоа треба да се одржи на 25 декември.

1 коментар

Latest News

Богата агенда:Со кого ќе се сретнат денес Ковачевски и Османи во Софија?

Владата ја објави денешната агенда на Премиерот Ковачевски, министерот за надворешни работи, Бујар Османи и останатиот владин состав. "Вечерва заврши...

More Articles Like This