Во однос на последниот избирачки список од 2014 година, кога имало 1.780.128, бројот на гласачи е зголемен за околу 3000 лица. Според владејачката ВМРО-ДПМНЕ со оваа се потврдуваат дезинформациите кои опозицијата ги ширела во изминатиот период за наводни пола милиони фантомски гласачи со цел да избегаат од избори
– Се потврдија како неточни сите оние дезинформации кои што ги ширеше раководството на СДСМ, за наводни половина милион фантоми во Избирачкиот Список. Сега на секому му е јасно дека Избирачкиот список е практично истиот оној од 2014 година. И покрај 30.000 лица кои што беа избришани во Избирачкиот список сега има 3.000 лица повеќе. Значи, бројката е иста онаа која од изборен циклус во изборен циклус практично се повторува со што паѓаат во вода сите лаги на СДСМ – вели Иво Котевски, директор на Центарот за комуникации на ВМРО-ДПМНЕ во изјава за Канал 5 телевизија.
