Откако „Република.мк“ објави ексклузивна информација дека премиерот Зоран Заев и претседателот Стево Пендаровски во Охрид имале тајна средба со Алекс Сорос, синот на милјардерот Џорџ, со рекација се јави кабинетот на шефот на државата.
Оттаму велат дека претседателот немал таква средба во Охрид но не демантираат дека Заев се сретнал со Сорос.Воедно потврдуваат дека шефот на државата ќе се сретне со Сорос во Париз следната недела.
Претседателот Пендаровски ќе оствари средба со Александар Сорос за време на престојот на претседателот во Париз 11-12 ноември, каде ќе учествува на Парискиот форум за мир, а ќе оствари и повеќе билатерални средби-информираат за „Република“ од неговиот Кабинет.