Пентагон соопшти дека ќе ги превземе сите „неопходни мерки“ во одбрана на американските трупи и регионални сојузници по Иранскиот напад врз американска база во Ирак, потврдувајќи дека повеќе од 24 балистички ракети паднале во базата Ал-Асад
„Иран лансираше повеќе балистички ракети против армијата на САД и коалициските сили во Ирак. Она што е јасно е дека овие балистички ракети се лансирани од Иран чија мета биле најмалку две ирачки бази во кои се наоѓаат трупи на САД и коалицијата“, стои во соопштението на Пентагон, додавајќи дека се уште се прават иницијалните проценки за предизвиканата штета.
Како што се евалуира ситуацијата, Пентагон соопштива дека ќе подготви и соодветен одговор и ќе ги превземе сите неопходни мерки за заштита на американската војска, партнерите и сојузниците во регионот.
Нападот врз ирачката база Ал-Асад во која се сместени војници на САД се случи вечерва од Иранска територија како „одмазда“ за убиството на иранскиот генерал на исламската гарда Касам Сулејмани.