Министерот за одбрана на САД Џејмс Матис изјави дека Пентагон нема докази дека во сирискиот град Дума е употребен сарин или хлор.
Матис денес пред Конгресот рече дека американската војска нема докази дека ниту сарин ниту хлор се употребувани во наводниот хемиски напад во сириска Дума и додаде дека единствен доказ кој го има Пентагон за овој инцидент доаѓа од социјалните мрежи и извештаите на медиумите.
„Имаше неколку вакви напади. Во многу случаи, знаете, ние немаме трупи, не сме ангажирани на таму на терен, така да не можам да ви кажам дека имаме докази, иако имавме доста показатели од медиумите и социјалните мрежи дека е употребен хлор или сарин“, одговорил Матис на прашањето за наводниот напад во сирискиот град Дума.