Во изнајмен стан во Белград е уапсен поранешен маринец од САД кај кого е најдена снајперска пушка со избришан сериски број. Тој бил член на елитната група „Тим 6“ кој ги извршувала најсуровите операции во Сирија,Ирак и во Авганистан.
Српската полиција ги пресретнала разговорите на неговите двајца помагачи кои се договарале „Маринецот“ да заврши работа и да исчезне, пишува „Информер“.
Службите се сомневаат дека тој имал намера да изврши атентат на некој политичар а интересно е што „Маринецот“ бил вработен во израелска служба за обезбедување која важи за блиска до косовските власти.