Пленковиќ во caмоизолација, сопругата позитивна на kовид-19

- Advertisement -

По појавата на зголемена температура, сопругата на хрватскиот премиер Андреј Пленковиќ, Ана Маслаш-Пленковиќ, во саботата беше тестирана за присуство на корона вирус, а нејзиниот тест беше позитивен, се вели во изјавата потпишана од владиниот портпарол Марко Милиќ, пренесува Јутарњи лист.

Поради тоа премиерот Андреј Пленковиќ беше тестиран за присуство на корона вирус во саботата, а неговиот тест беше негативен, се додава во информацијата.

На премиерот му беше одредена епидемиолошка мерка за самоизолација од 10 дена. Се додава дека хрватскиот премиер ќе продолжи да ги извршува своите активности и обврски од дома.