Попладнево изби пожар во стан во населбата Бирарија. Повредени се две жени, сопственичката на станот во кој избил пожарот и девојката на станот над него, која вдишала поголема количина чад. Повредените се навреме евакуирани и пренесени во болница.
Градоначалникот на Кисела Вода, Орце Ѓорѓиевски веднаш пристигна на местото на несреќата. Тојвети еднократна парична помож за жената на која и изгоре станот, како и сместување, доколку нема каде да престојува. Ѓорѓиевски им посака брзо опоравување на повредените.
„За жал, вакви немили настани се случуваат, но најважно е да нема човечки жртви и штетата да е што помала, а ние секогаш ќе бидеме тука да помогнеме кога е најтешко. Доколку жената на која ѝ изгоре станот нема каде да се смести, ќе обезбедиме сместување. Истовремено, од општината ќе ѝ биде исплатена еднократна парична помош.
Посакувам брзо опоравување и никогаш да не се повторат вакви настани“.
