- Advertisement -
- Advertisement -
Украинскиот патнички Боинг 737 изутринава веднаш по полетувањето се урна во близина на аеродромот во Техеран при што загинаа сите 176 патници.
Предмалку беше соопштена националноста на загинатите патници и тоа: 82 Иранци, 11 Украинци, 63 Канаѓани, 10 Швеѓани, 4 Авганистанци, 4 Германци и 3 Британци.
„Пожарот беше толку голем што не можевме да преземеме спасувачки акции. Имавме 22 амбулантни возила, четири автобуски амбулантни возила и хеликоптер на местото, за жал беше предоцна.“ – велат од иранската служба за итни случаи.
Во меѓувреме, пронајдени се двете црни кутии на местото на падот на авионот, но како што информира иранската организација за цивилно воздухопловство, тие нема да бидат предадени на произведувачот на авионот.
