Црна Гора воведува полициски час во три градови поради тешката ситуација со корона вирусот. Во Никшиќ, Беране и Андријевац од 28. септември до 12.октомври ќе биде забрането напуштање на станбените објекти од 22.часот до пет часот изутрина, одлучи Националното координативно тело.
Во овие градови ќе биде забранета работата на угостителските објекти, како и куќните посети. Во овие три општини, според наодите на Институтот за јавно здравје на Црна Гора, се ставени во црвена зона. Освен овие, тешка е ситуацијата во Рожаје, кое се наоѓа во портокалова зона, па таму забрана е ставена за работа на угостителските објекти.
.@ijzcg je objavio listu kumulativne incidencije #COVID19 za lokalne samouprave u periodu od 12.09. do 25.09 u 24:00 na osnovu koje se od ponedjeljka primjenjuju nove mjere #NKT.
Promjena u odnosu na jučerašnju listu je da je i Kotor u grupi KI 400 – 799.
(1/2) #CoronaInfoCG pic.twitter.com/eGVJhdf0Ac— Vlada Crne Gore (@VladaCG) September 26, 2020
Четири града се во жолта зона, Подгорица, Котор, Будва и Пљевља, и во овие градови работата на угостителските објекти е ограничен до 22 часот. Во овие објекти може да бидат највеќе две лица на една маса, а растојанието помеѓу столчињата мора да биде најмалку еден метар.
Останатите црногроски градови се во зелена зона и во нив се применуваат досегашните епидемиолошки мерки.
