Согласно резултатите од последниот попис спроведен во 2002 година, во Македонија живеат 25.17% Албанци од вкупното население. Сепак, овие податоци уште од самиот почеток се оспорувани, а официјална верификација од други институции или меѓународни организации нема
Во текот на 2009 година, до Републичкиот јавен обвинител – тогаш Љупчо Шврговски, од страна на лидерите на партиите ВМРО-ДП и Народно движење за Македонија, Владимир Голубовски и Јанко Бачев поднесоа кривична пријава со која тврдеа дека во времето на спроведувањето на пописот биле вршени притисоци врз лицата кои ги обработувале прашалниците. За тоа исто така велеа дека имаат докази. Голубовски и Бачев бараа поништување и на Рамковниот договор, од кој, како што велат, Албанците добија, а Македонците изгубија се.
– Албанското малцинство со помош на сила, оружје и странски ментори ни наметна да ги прифатиме нивните барања како стекнати права, остварени со Рамковниот договор, а не како правата на сите други граѓани, како родени права. Затоа во ситуација кога знаеме дека резултатот на пописот е фалсификуван и во ситуација кога оваа етничка заедница агресивно продолжува со нови барања кои се разоткриваат како нивна позиција како во федерална држава, Македонија мора да го провери резултатот. Уште повеќе, се знае дека тогаш биле 16 проценти, сега се уште помалку и во иднина нивниорт број ќе продолжи да се намалува. Сведоци сме дека, како овој нивен аргумент се намалува, стануваат се поагресивни, изјави тогаш Голубовски, пренесува „Вечер“.
– Фрапантни се сознанијата до кои дојдовме при прибирањето на доказите. Тие велат дека албанското малцинство во Македонија е околу 17 отсто. Оваа фалсификувана статистичка операција е изведена со извонредно разработена криминална технологија, од фазата на попишување и собирање податоци на теренот, па се до влезот на податоците во компјутерскиот систем, рекол Бачев во изјава пред седум години.
Имено, доколку преку спроведувување на нов попис се докаже дека во Македонија живеат помалку од 21% Албанци, во тој случај престанува да важи Охридскиот рамковен договор, од кој правата на двојазичност во општини со мнозинско Албанско население, правичана и еднаква застапеност врз основа на кое право голем број беа вработени неоправдано во државните институции, истакнувањето на знамето на малцинската група и редица други права би биле укинати, односно би важеле само во оние средини каде што процентот е поголем од 21%, а не на ниво на државни институции.
По овој повод, и претседателот Иванов во неговото претпоследно излагање пред нацијата, рече дека доколку некој се повикува на права кои произлегуваат врз основа на статистички податоци, тогаш тие податоци треба одново да бидат верификувани.
Во Македонија последен пат попис се спроведе во 2002 година, а обидот од пред неколку години беше задушен под притисок на т.н. меѓународна заедница, со цел да се заштити и обезбеди постоењето на Охридскиот рамковен договор.
