Австрискиот министер за ЕУ, Герон Блумел, изјави дека Советот на министри на ЕУ потврдил дека е постигнат договор за сите аспекти на повлекувањето на Обединетото Кралство од ЕУ.
Тој најави дека конечниот текст за идните односи помеѓу ЕУ и Велика Британија ќе биде усвоен на самитот на лидерите на ЕУ на 25-ти ноември во Брисел.
Австрискиот министер за ЕУ, Герон Блумел, претседаваше со вонредниот состанок на министрите за ЕУ и ЕУ за општи прашања.
На состанокот кој траеше помалку од два часа, главниот преговарач на ЕУ во разговорите за “Брегзит”, Мишел Барние, ги информираше министрите за состојбата со преговорите со Лондон.
Крупен чекор веќе е направен. Преговорите меѓу ЕУ и британската премиерка Тереза Меј можеби доведоа до договор. Успеавме да го зачуваме единството на ЕУ 27 за време на преговорите. Сега прашање е дали овој договор ќе биде потврден од парламентот во Велика Британија и Европскиот парламент “, рече Блумел.
Тој истакна дека е постигнат компромисен договор за сите аспекти на повлекувањето на Обединетото Кралство од ЕУ.
Според неговите зборови, ова подразбира обезбедени права на граѓаните на ЕУ во Обединетото Кралство и обратно, но исто така и договор за финансиско порамнување, управување, географски ознаки.
Блумел истака дека на средбата, исто така, се разговарало за рамката на политичката декларација за идните односи меѓу ЕУ и Велика Британија, кои треба да бидат усвоени на самитот на лидерите на ЕУ во неделата, на 25 ноември во Брисел.
“Разделбите никогаш не се едноставни, но секогаш е подобаро кога тоа се случуваат на пријателска основа. Тоа е исто така најдобар начин да се изградат пријателски односи за иднината. Ние се уште сакаме ја Велика Британија како важен партнер на сите полиња во многу години што доаѓаат “, рече Блумел.
Тој ги повика членките на ЕУ 27 да останат обединети до крајот на преговорите и да продолжат да се залагаат за уредно повлекување на Велика Британија од ЕУ.
