Земјотрес со магнитуда 4.4, според првичните мерења добиени од белградската и скопската сеизмолошка опсерваторија утринава е почусствуван во Поширокото подрачје околу Скопје и Куманово.
Според неофицијалните податоци на Европскиот онлајн центар за сеизмолошка активост се работи за земјотрес на длабочина од 5 километри, со епицентар Скопје, поточно во погодените места од поплавите. Епицентарот се наоѓа на еден километар југозападно од Црешево во близина на Смилковци.
Претходно во јавноста постоеа дебати дека катаклизмичните поплави не значи дека би можеле да направат поголем проблем или промени во сеизмолошката активност во и околу поплавените подрачја, бидејќи како што истакнаа тогаш поголем дел од експертите се работи за вода која се движи во горните делови на земјината кора.
Инаку, според градацијата на јачина на земјотреси според магнитудата, овој земјотрес спаѓа во слаби земјотреси.
Од Сеизмолошката опсерваторија пред малку го потврдија земјотресот што утринава пред 7 часот ги стресе жителите на главниот град.
