Независниот кандидат за советник во општина Кичево Алит Абази кој беше ранет на 26-ти септември во Кичево, им подлегна на сериозните повреди кои ги имаше во стомакот. Абази е прва жртва на изборните инциденти во кампањата за локалните избори која минува со тешки насилства.
Информацијата за Курир ја потврди и портпаролот на Министерството за здравство Коста Петров, кој истакна дека Абази на повредите им подлегнал утринава во 4 часот.
Абази неколку дена се наоѓаше во критична состојба на Одделот за интензивна нега на скопските клиники. Имаше сериозни повреди на абдоменалните органи и сериозни повреди на р’бетот и р’бетниот столб.
Мотивите за неговото убиство се уште не се разјаснети, но, сепак, крвавиот настан се случи во тек на изборна кампања, што говори дека претстојните локални избори сепак нема да поминат без нерегуларности, ако се земе предвид фактот дека веќе се случија и и други физички пресметки…