Лицето М. Ј., кое беше застрелано вечерва на улицата Владимир Комаров во населбата Острово, било донесено во болница без знаци на живот, соопшти Министерството за здравство.
-Во врска со лекарскиот третман на застреланото лице во Аеродром, информираме дека лицето било донесено во клиниката за хируршки болести Св. “Наум Охридски” без знаци на живот. И покрај тоа, докторите се обидувале да го реанимираат 40 минути, за жал безуспешно, по што е констатирана смрт, информираат од таму.
Попладнево, околу 18 часот, неофицијално вооружено лице испукало неколку куршуми во главата и во вратот на М.Ј, кој има 25 години и е фудбалер.
Полицијата трага по напаѓачот.