По личен налог од премиерот Заев трудова инспекција ќе влезе во верските заедници да провери дали ги почитуваат законските обврски од аспект на плаќање даноци и придонеси.
Токму ова прашање на премиерот денеска во собрание му го постави пратеникот Мухамед Зеќири на собраниска седница.
Зеќири праша дали трудовата инспекција некогаш ќе влезе во Исламската верска заедница (ИВЗ) да провери дали им се плаќа инвалдиско и пензиско осигурување на имамите кои се жалат дека тоа не се прави на што премиерот му рече:
„Владата негува добар однос со сите верски заедници. Не сме надлежни, ниту сакаме, а и Уставот не дозволува инволвирање во внатрешните избори и уредувања, но тоа не значи дека некој може да биде надвор од Законот кога се работи за плаќање даноци, придонеси,… истакна премиерот кој потенцираше дека и чесниот пристап, мора да важат за секого, независно за која верска заедница станува збор, а резултатите од контролите ќе бидат јавно соопштени.
