Професорката Билјана Ванковска го откри својот фаворит за претседател на Република Македонија.
Ванковска изрази желба во битката за претседател на Македонија да ги види актуелниот премиер Зоран Заев и професорката Гордана Давкова Силјановска како заеднички кандидат на здружената опозиција.
Професорките Ванковска и Силјановска заедно со колегите Жидас Даскаловски, Марија Ристеска, Јован Донев и уште десетици други стојат зад иницијативата за писмото за името на 200 интелектуалци, подоцна и зад писмото одговор што весникот Гардијан одби да го објави.
Како кандидати се споменува првиот министер за надворешни работи Денко Малевски. Нема да биде изненадување доколку ДУИ ја предложи и градоначалничката на Тетово, Теута Арифи која има добри релации со министерката за одбрана Радмила Шекеринска и која би можела да агитира кај членството да се поддржи Арифи. Како решение не се исклучува и Стево Пендаровски кој беше противкандидат на Иванов на последните избори.
ВМРО-ДПМНЕ кандидатот за претседател ќе го бира на конвенција откако општинските комитети ќе предложат свои кандидати.
Како имиња кои засега се споменуваат во јавноста се Трајко Славески кој е долгогодишен член на партијата и поранешен министер за финансии. Во игра е поранешниот министер за надворешни работи Никола Попоски кој би бил прифатлив за странците но не е омилен кај членството.
Како последно име кое се споменува меѓу граѓаниите е професорката Гордана Силјановска, која не е член на ВМРО-ДПМНЕ и би била добар заеднички кандидат на здружената опозиција.
Сите овие имиња сеуште се само шпекулации.