Во гостување на емисијата „Клик плус“ на ТВ 21, Љубомир Фрчковски истакнува дека Република Македонија има среќа што меѓународниот пријател Еди Рама ги собрал албанските партии да формираат платформа со барања при преговорите за нова Влада.
– Знаете што се случи околу платформата и околу собирањето на Албанците, што мислам дека се случи. Мислам дека беше голема предност за нас што меѓународните пријатели, па и Еди Рама усепаа да ги соберат и да формираат блок од тие партии. Бидејќи главната опасност беше да бидат уценувани на парче од ВМРО-ДПМНЕ, кои и со Мендух Тачи и со Али Ахмети имаа линија на уцени на кои тие не можат да одолеат, вели Фрчковски.
Тој додава дека добро е што албанските партии се собраа и формираа блок кој е многу важен за Република Македонија, а воедно истакнува дека втора албанска партија во Република Македонија е СДСМ.
