Остро реагираме и се спротиставуваме на нестрпливоста и неодговорноста на парламентарниото мнозинство и на господинот Талат Џафери, кои што отсуството на опозицијата во Собранието го злоупотребуваат и го користат за продолжување на партизацијата која што ја прават, овој пат во Уставниот суд и во Советот за јавни обвинители, велат од пратеничка група на ВМРО-ДПМНЕ.
-Изборот на Насер Ајдари, функционер на ДУИ на испразнетото место во Уставниот суд и изборот на Ангел Солев и Ангеле Илиевски кој што според пишувања во медиумите се членови на правниот комиет на СДСМ, претставува класична партизација на овие два органи. Парламентарното мнозинство на СДСМ и ДУИ, како и господинот Талат Џафери, денес преку Комисијата за прашања за изборите и именувањата, набрзина, користејќи го отсуството на опозицијата сакаат да го спроведат политичкиот пазар преку Собранието на Република Македонија, стои во соопштението на пратеничката група и се додава:
„Ова претставува уште еден доказ дека Талат Џафери и парламентарното мнозинство не се залагаат за независно и силно Собрание, туку едноставно го претворија Собранието во машинерија која што мора да ги официјализира партиските и штетни политики и пазари кои што се прават помеѓу СДСМ и ДУИ. И СДСМ, и ДУИ, и Талат Џафери се свесни на овој начин не се спроведуваат реформи односно ваквото работење и функционирање не е во согласност со забелешките и заклучоците од извештајот на Прибе на кој што секојдневно се повикуваат“.
Очигледно дека на СДСМ, ДУИ и Талат Џафери, подвлекуваат од претеничката група на ВМРО-ДПМНЕ, ниту им се битни реформите и градењето на стабилно, независно и цврсто Собрание, ниту им се битни заклучоците од извештајот на Прибе, ниту функционирањето на демократските процеси и транспарентност, туку единствено им се битни политичките пазари.
