Падна првиот снег за оваа година во Битола. Најголема радост донесе кај најмалите.
Ова се први врнежи од снег за оваа година.
Врнежите од снег се очекува да придонесат и за почист воздух, моментално во нашиот град двете мерни станици покажуваат ниско количество на ПМ10 честичките, односно Битола 1 = 4,52, а Битола 2 во 20 часот измерила 25,27 ПМ 10 честички на метар кубен.
Времето утре во Македонија ќе биде облачно, студено и ветровито со повремени врнежи од снег со слаб до умерен интензитет, особено во источните делови. Врнежи ќе има и во пониските делови од земјава, каде се очекува да се формира помала снежна покривка, која на планините ќе се зголеми.
Утринската температура ќе се движи од минус три до два, а дневната од минус два до три степени.
Во Скопје слично време, со утринска температура до минус еден и со дневна до еден степен.
Следува стабилно време со пораст на температурата. В среда и в четврток утрата ќе бидат многу студени со температура од минус 10 до минус четири степени.
ТВ Орбис
