Во вчерашната емисија на 1ТВ гостуваше Билјана Ивановска, претседателка на ДКСК која говореше за надлежностите на оваа комисија, иако приоритет според нејзе е прво да се обезбедат простории во кои што ќе работат.
-Пред се првин треба да го решиме просторот во кој ќе работиме. Да обезбедиме првин материјално – технички услови за работа, а потоа да се фатиме чекор со се она што следи, први на удар се изборите, претседателските избори, нагласи Ивановска.
Ивановска појасни дека добила прашање дали ќе се справат со претседателските избори? И таа смета дека да, бидејќи во составот на Комисијата имаат двајца професионалци од Комисијата, што работеле во стручната службена комисија. Додека пак таа и уште една колешка што доаѓаат од Државниот завод за ревизија каде што правеле ревизија на политичките партии. Точно знаеле кои се ризичните подрачја со кои што можат да ги пресретнат. Така што мисли дека со првиот предизвик ќе се справат успешно.
