- Advertisement -
Едно лице е повредено во сообраќајната незгода што утрово во 8.46 часот се случи на булеварот „Илинден“ кај зградата на Владата.
Се работи за женско лице, пешак, кое било прегазено од страна на автомобил „киа“ со скопски регистарски таблички, информираат за „Република“ од СВР Скопје.
Повредената девојка е пренесена во градската болница „Св. Наум Охридски“ и засега не е познато со какви повреди се здобила.
На местото на настанот е извршен полициски увид, по што ќе се знаат повеќе детали за незгодата.