Таканаречениот „предводник“ на шарените протести Павле Богоевски кој капитализираше на фрлањето бои по државните институции и споменици, е мета на потсмев од членовите и поддржувачите на СДСМ
„Ограда не рипнаа на протести, ама за на работа ко Бланка Влашиќ идат.“ – коментираше на Фејсбук колумнистот Ивор Мицковски, кој важи за еден од најголемите поддржувачи на опозицијата.
Павле Богоевски беше дел од шарените протести, кој во неколку наврати беше приведуван од страна на полицијата поради организирање на нереди и напад на службени лица. Истиот, заедно со Ивана Туфегџиќ капитализираа со пратенички места во редовите на опозицијата благодарение на нивните афинитети за фрлање на презервативи полни со боја врз државните институции и спомениците.
Незадоволството меѓу поддржувачите на СДСМ по одлуката овие двајца да се најдат на листите за пратеници, ескалираше по објавувањето на имињата кои беа изгласани на конгресот на СДСМ во Александар Палас.